Shayari, Poetry & Quotes That Touch Your Heart

Yaad Teri Aa Jaati Hai

Yaaden Poetry

Naa Jaane Kyun Chup Rahta Hoon,
Naa Jaane Kyun Teri Yaaden Sata Jaati Hai,
Tu Koso Dur Hai Mujhse,
Magar Ehsaas Apna Har Pal Dila Jaati Hai,

Fir Sochta Hoon Bhool Jaaun Tujhko,
Fir Agle Hi Pal Yaad Teri Aa Jaati Hai,

Mehsus Hoti Hai Har Pal Har Jagaha,
Naa Jaane Kaisi Ranjishen Dikha Jaati Hai,
Khamoshi Me Teri Aawaazen Gunjti Hai Kaano Me,
Naa Jaane Kaisi Bandishen Tu Bana Jaati Hai,
Thoda Seham Jaata Hun Fir Thoda Thehar Jaata Hoon,

Fir Sochta Hoon Bhool Jaaun Tujhko,
Fir Agle Hi Pal Yaad Teri Aa Jaati Hai..

Subha Jo Aanh Khulti Hai,
Fir Teri Kami Aankhon Me Khalti Hai,
Shaam Tale Jab Suraj Dhalta Hai,
Fir Tu Aag Ban Kar Is Dil Me Jalta Hai,
Us Aag Ko To Sine Me Chupa Loon,
Magar Uska Kya Jo Dard Dhuaa Ban Kar Behta Hai,

Fir Bhi Sochta Hoon Bhool Jaaun Tujhko,
Magar Fir Agle Hi Pal Yaad Teri Aa Jaati Hai….

Abhishek Maurya

1 thought on “Yaad Teri Aa Jaati Hai”

Leave a Reply

Your email address will not be published. Required fields are marked *

Translate »
%d bloggers like this: